Sekretari amerikan i Shtetit Antony Blinken pritet të udhëtojë në Izrael të premten, sipas një zyrtari izraelit.
Vizita e Blinken në Izrael vjen në një kohë kritike, pasi zyrtarët amerikanë dhe izraelitë ka të ngjarë të diskutojnë alternativat ndaj një ofensive tokësore në qytetin jugor të Gazës, Rafah javën e ardhshme, tha Shtëpia e Bardhë.
Të hënën, këshilltari amerikan për sigurinë kombëtare, Jake Sullivan u tha gazetarëve që Biden i kishte kërkuar Netanyahut të dërgonte një ekip në Uashington “për të dëgjuar shqetësimet e SHBA-së në lidhje me planifikimin aktual të Izraelit për ofensivën në Rafah.
Por Izraeli tha të martën se Netanyahu “është i vendosur të nisë ofensivën tokësore në Rafah në mënyrë që të eliminojë përfundimisht batalionet e mbetura të Hamasit, duke ofruar zgjidhje humanitare për popullatën civile”.
Sekretari amerikan i Mbrojtjes Lloyd Austin do të presë gjithashtu ministrin izraelit të Mbrojtjes Yoav Gallant në Pentagon javën e ardhshme, sipas një zyrtari të mbrojtjes./abcnews.al
Omega 3 cilat janë format më të përhapura dhe më të sigurta
Humb jetën një 36-vjeçar në Shkodër
Elita 5 dhe Aurela Gaçe shtojnë ngjyrat e spektaklit në Fest...
Vriten pesë ushtarë izraelitë gjatë luftimeve në Liban
E pamundur për Real Madridin ta mbajë Gulerin: Dy gjigantët ...
Deputetja e LDK-së: Takimi trepalësh për dialogun Kosovë-Ser...